كتب / حمادة العسكري
كلاكيت تاني مرة بعد جرحه
جاي يترجى فيا عشان أصالحه
قولوله راح زمانه وجه زماني
مجنون أرجعله تاني أو أسامحه
قولوله بس ياخد جنب يركن
رجوعنا محال مفيش جايز ويمكن
أيوا دموعه دي يادوب وسيلة
مجرد بس حيلة للتمكن
قولوله شطبت حب وقلبي فلس
كل حلو بينا أيوا غلس
فاكر تضحياتي حاجه حاجه
بضحك ع السزاجه آه بألس
بعرف أداوي جرحي لو بينزف
زي مابعرف أبني بعرف أنسف
ملغي من حياتي وقتي جنبه
حكاية حب ليه حكايه تكسف
كلاكيت تاني مرة
يامه كدب عليا يامه مثل
قلبه معايا دايما كان مكسل
لما ضمن مشاعري إستهزا بيا
يامايردش عليا أو يكنسل
كان ناعم معايا فجأه خشن
دايما ف إختلاف دايما متنشن
يمشي بدل مااقول كل الكلام
وأنشر قصتنا عام وليه أمنشن
قولوله شطبت حب وقلبي فلس
كل حلو بينا أيوا غلس
فاكر تضحياتي حاجه حاجه
بضحك ع السزاجه آه بألس
بعرف أداوي جرحي لو بينزف
زي مابعرف أبني بعرف أنسف
ملغي من حياتي وقتي جنبه
حكاية حب ليه حكايه تكسف
تابعونا على صفحة الفيسبوك 👇
https://www.facebook.com/share/1D4HTksdYM/
